Túrkistan oblysynda kúdiktiden sholaq myltyq pen oqtar tárkilendi

TÚRKІSTAN. QazAqparat – Túrkistan oblysynda kúdiktiden sholaq myltyq pen oqtar tárkilendi, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.

Túrkistan oblysy Polıtsııa departamenti Krımınaldyq polıtsııa basqarmasyna atys qarýyn zańsyz saqtaý deregi boıynsha jedel aqparat túsken. Qylmysty ashý maqsatynda tájirıbeli polıtseıler jedel-izdestirý sharalaryn júrgizdi. Nátıjesinde kúdikti retinde jergilikti turǵyn anyqtalyp, ustaldy.

Jedel ýákilder kúdikti men onyń «Deý Neksııa» markaly avtokóligin tintý kezinde qos uńǵyly sholaq myltyq pen 3 oq tapty.

Atalǵan jaıt QR QK-niń 287-baby 3-bóligi «Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý» boıynsha tirkeldi. Avtokólik aıypturaqqa qoıyldy.

Qazirgi ýaqytta qarýdy zańsyz saqtaý deregi boıynsha sotqa deıingi tergeý amaldary júrgizilip jatyr.