Túrkistan oblysynda qudalyq ótkizip, qyz uzatqandar 5 táýlikke qamaldy
TÚRKІSTAN. QazAqparat - Túrkistan oblysynda tótenshe jaǵdaıǵa qaramastan qudalyq ótkizgender 5 táýlikke qamaldy, dep habarlaıdy QazAqparat oblys ákiminiń baspasóz qyzmetine silteme jasap.
Oblysta tótenshe jaǵdaıǵa qaramastan qudalyq ótkizip, qyz uzatqan, týǵan kún toılatqan azamattar 5 táýlikke qamalǵan.
Sondaı-aq tótenshe jaǵdaı kezinde sanıtarlyq-epıdemıologııalyq erejelerdi saqtamaǵany úshin Ákimshilik quqyq buzý týraly Kodekstiń 476 «Tótenshe jaǵdaı rejımin buzý» baby boıynsha 115 nysanǵa hattama rásimdelip, sotqa joldandy. Sot sheshimimen 28 tulǵaǵa 10 AEK esebinde aıyppul salynyp, 16 adam qamaýǵa alyndy.
Bul týraly Túrkistan oblysynyń taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Baqtyoraz Elemesov málimdedi.
Sonymen qatar, ol qoǵamdyq oryndarda azamattar meılinshe betperde paıdalanyp, nysandar esik tutqalaryn dáke matalarmen oraý - sanıtarlyq talaptarǵa saı emes ekenin aıtty.
Aıta keteıik, arnaıy monıtorıng toby dezınfektsııalaý sharalaryn kúndelikti baqylap, atqarylǵan jumys týraly aqparatty sıtýatsııalyq ortalyqqa kúndelikti usynyp otyr.
