Túrkistan oblysynda kózi nashar kóretin azamat týysynyń úıine kelgen soń joǵalyp ketken
NÚR-SULTAN. QazAqparat - Túrkistan oblysynyń polıtseıleri týysynyń úıine qydyryp kelip, joǵalyp ketken er adamdy tapty, dep habarlaıdy QazAqparat Túrkistan oblystyq Polıtsııa departamentine silteme jasap.
Jetisaı aýdandyq polıtsııa bólimine Shymkent qalasynan tórkindep qydyryp kelgen áıel aryzdandy. Onyń aıtýynsha, kúıeýi keshki saǵat 19:30-dar shamasynda syrtqa shyǵyp keletinin aıtyp, sodan iz-túzsiz joǵalǵan. Joǵalǵan azamatty aldymen jaqyndary ózder izdep, taba almaǵan soń polıtsııaǵa habarlasqan. Atalǵan jaıtty jetisaılyq polıtseıler birden tirkeýge alyp, joǵalǵan er adamdy izdestire bastaıdy.
Іzdestirý jumystaryna jedel-tergeý toby men sol aýmaqqa jaýapty ýchaskelik polıtsııa ınspektory birden kiristi. Polıtsııa kapıtany Sábıt Tataev pen Bekjan Karımov aýyldy kóshe-kóshemen aralap tekserip, surastyrý jumystaryn júrgizdi. Nátıjesinde túngi saǵat 02:00-ler shamasynda er adam tabyldy.
Tergeý barysynda polıtseıler, qaıyn jurtyna qydyryp kelgen er adam kózi nashar kóretinine baılanysty týysynyń úıin taba almaı, aýyldy aralap júrgen. Ol uıaly telefonynyń qýaty taýsylyp, jaqyndaryna habarlasa almaǵan.
Óz kezeginde aryzdanýshy áıel men qaıyn jurty polıtseılerge alǵys aıtty.
