Túrkistan oblysynda qoıshy qoımadaǵy mal azyǵyn satyp jibergen
Oqıǵa Tólebı aýdanynda bolǵan. Jergilikti polıtsııa bólimine aryzdanǵan turǵyn jeke mal sharýashylyǵyndaǵy qoımasynan alty tonna bıdaı, alty tonna arpa jáne 750 press jońyshqany jumysshysy satyp jibergenin jetkizgen. Turǵynǵa kelgen jalpy shyǵyn 3 mln teńgeden asady.
«Jábirlenýshi aýyzsha kelisim arqyly maldaryna qaraýǵa jas jigitti jumysqa alǵan. Sodan oǵan múlkin senip tapsyryp, ózi úıine ketken. Al tańerteń sharýashylyqqa kelgeninde qoımadaǵy senip tapsyrǵan mal azyǵynyń urlanǵanyn kórgen. Atalǵan jaıt QR QK-niń 189-baby (Senip tapsyrǵan bóten múlikti ıemdenip alý nemese talan tarajǵa salý) boıynsha tirkeldi. Qazirgi tańda atalǵan jaıtqa baılanysty sotqa deıingi tergeý amaldary júrgizilýde» - delingen Túrkistan oblysy polıtsııa departamentiniń baspasóz qyzmeti taratqan aqparatta.
