Túrkistan oblysynda kóshpendiler oıyny ótti
Іs-shara Tólebı Álibekulynyń týǵanyna 360 jyl tolýyna oraı uıymdastyrylyp otyr. Basty maqsat - jastar arasynda qazaq halqynyń ulttyq oıyndaryn, salt-dástúrin, ádet-ǵurpyn dáripteý, týǵan elge, jerge, óz Otanyna degen súıispenshilik sezimderin arttyrý.
Ulttyq sportty ulyqtaýǵa arnalǵan sharaǵa arnaıy qatysqan Túrkistan oblysy ákiminiń orynbasary Beısen Tájibaev kóshpendiler oıynynyń mańyzdylyǵyn atap ótip, komandalarǵa sáttilik tiledi. Al, Tólebı aýdanynyń ákimi Tólegen Telǵaraev dástúri ulttyq oıyndardy dáripteý baǵytyndaǵy jumystarǵa aldaǵy ýaqytta da úlken serpin beriletindigin jetkizdi
Jalpy júlde qory 1,5 mln teńge quraıtyn saıysqa quramynda 160 sportshysy bar 16 komanda qatysty. 14 pen 35 jas aralyǵyndaǵy jastar qazaqsha kúres, jamby atý, aýdaryspaq, qoshqar kóterý, arqan tartý, láńgi tebý sekildi saıystardan kúsh synasty.
Al, qorytyndysynda komandalyq esep boıynsha birinshi oryndy Saryaǵash aýdanynyń sportshylary qanjyǵalasa, ekinshi oryn Báıdibek aýdanynyń jastaryna buıyrdy. Úshinshi oryndy Tólebı aýdanynyń qatysýshylary mise tutty.
Odan bólek, «Kóshpendiler oıynyna» arnaıy erekshe ulttyq kıimmen kelgen Otyrar, Saýran aýdandary men Arys qalasynyń komandalary arnaıy nomınatsııaǵa ıe boldy. Júldeger komandalar men nomınatsııa ıegerlerine qarjylaı syılyqtar men arnaıy kýboktar berildi.
