Túrkistan oblysynda kóshi-qon zańyn buzǵan 360 sheteldik anyqtaldy
TÚRKІSTAN. QazAqparat - Túrkistan oblysynda elimizdiń kóshi-qon zańyn buzǵan 360 sheteldik anyqtaldy, dep habarlaıdy QazAqparat oblystyq PD baspasóz qyzmetine silteme jasap.
16-20 qańtar aralyǵynda Túrkistan oblysy Polıtsııa departamentiniń Kóshi-qon polıtsııasy basqarmasynyń qyzmetkerleri «Mıgrant» profılaktıkalyq is sharasyn ótkizdi.
«Zańsyz kóshi-qondy anyqtaý maqsatynda ótken shara barysynda Qazaqstanǵa kelý, bolý jáne ketý qaǵıdalaryn buzǵan - 360 sheteldik pen 63 QR azamaty anyqtaldy. 222 quqyqbuzýshylyq boıynsha eskertý, 25 ákimshilik aıyppul salynyp, 157 sheteldik ákimshilik qamaýǵa alyndy. Ózge elderdiń 19 azamaty sot sheshimi boıynsha el aýmaǵynan shyǵaryldy», - delingen habarlamada.
Sonymen qatar, Polıtsııa departamentiniń qabyldap-taratý mekemelerine qujaty joq - 19 adam ornalastyryldy. 136 shet el azamatynyń Qazaqstan Respýblıkasynda bolý merzimi qysqartyldy.
Sheteldikti zańsyz turǵyn úımen qamtamasyz etken - 46, shetel jumys kúshin zańsyz paıdalanǵan - 17 Qazaqstan azamaty anyqtalyp, olar ákimshilik jaýapkershilikke tartyldy.
Sondaı-aq elden shyǵarý týraly sot sheshimin oryndamaýǵa qatysty 5 jaıt anyqtalyp, qylmystyq is qozǵaldy.
