Túrkistan oblysynda koronavırýsty anyqtaıtyn jańa zerthana ashyldy
TÚRKІSTAN. QazAqparat - Túrkistan oblysynda koronavırýs ınfektsııasynyń yqtımal beleń alý jaǵdaılary eskerile otyryp, emdeý mekemelerinde kúres jospary bekitildi. Jalpy, medıtsınalyq uıymdarda 6000-ǵa jýyq tósek orynmen qamtý qaýqary qarastyrylǵan, dep habarlaıdy QazAqparat tilshisi.
Oblysta pandemııanyń ekinshi tolqynyna daıyndyq barysynda aýrýhanalarda materıaldy-tehnıkalyq baza jaqsartylǵan. Ókpeni jasandy jeldetý apparattar sany 65 paıyzǵa artqan. Sonymen qatar qýattylyǵy orasan 80 oksıgen apparaty alyndy. Ottegi kontsentratorlarynyń sany 900 birlikke jetkizilip, ósim 95,0% - dy quraǵan. Aýrýhana aımaqtarynan salynǵan ottegi stantsııalary eki esege artqan. Jalpy 8 stantsııa jumys istep tur. Emdeý mekemesin tolyǵymen ottegimen qamtamasyz etetin stantsııanyń biri Kentaý qalalyq ortalyq aýrýhanasynda ornatylǵan. Aýrýhana jańadan ashylǵan gemodıalız ortalyǵy, kompıýterlik tomografııa, sandyq rentgen apparaty, jańa úlgidegi ÝDZ men zerthanalyq dıagnostıkalyq apparattarymen jabdyqtalǵan. Arys qalalyq ortalyq aýrýhanasynda da Covid-19 ınfektsııasymen kúres jumystary barynsha qolǵa alynǵan. Medıtsınalyq uıym jeke qorǵanys kıimderi men dári-dármektiń eki aılyq qorymen qamtamasyz etilgen. Jansaqtaý bóliminde 9 ókpeni jasandy jeldetý apparaty, qosymsha ottegi oksıgeneratorlary jáne basqa da qajetti medıtsınalyq qural-jabdyqtar ornatylǵan. Koronavırýs ınfektsııasymen kúreske jumyldyrylǵan 19 mobıldi top halyqqa qyzmet kórsetýde. Sol sııaqty Ordabasy aýdandyq ortalyq aýrýhanasynda koronavırýs ınfektsııasyn anyqtaıtyn zerthana iske qosyldy. PTR synamasy boıynsha anyqtaıtyn zerthana táýligine 500-ge jýyq test qabyldaýǵa múmkindigi bar. Aldaǵy ýaqytta Arys qalasy men Báıdibek aýdandarynan synama qabyldaý josparlanýda. Túrkistan oblysy boıynsha mundaı 12 zerthana jumys isteýde. Sonymen qatar aýdanda eski aýrýhana ǵımaraty tolyq kúrdeli jóndeýden ótkizilip, 100 tósek oryndyq provızorlyq bólim ashyldy. Qazirgi tańda emdeý mekemesi jeke ottegi stantsııasy, 23 ókpeni jasandy jeldetý apparatymen jasaqtalǵan.
«Іndettiń birinshi tolqynynda oryn alǵan kemshilikterdi boldyrmaý úshin búginde barlyq tıisti jaǵdaılar jasalýda. Atap aıtsaq, 2-3 aıǵa jetetin aýrýǵa qarsy qoldanylatyn dári-dármek qory jasaqtaldy. Qajetti qural-jabdyqtar jetkilikti deńgeıde alyndy. Endi oblystyq medıtsınalyq jedel-járdem qyzmeti jyl sońyna deıin qosymsha 120 kólikpen qamtylatyn bolady. Shalǵaı aýyldarǵa 12 jyljymaly medıtsınalyq keshen alynýda», – dedi oblystyq qoǵamdyq densaýlyq basqarmasynyń basshysy Marat Pashımov.
Aımaqta búginde jalpy 23429 medıtsına qyzmetkeri bar. Onyń 5000-nan astamy dárigerler, qalǵandary orta býyn mamandary. Aq halatty jandardyń eren eńbeginiń arqasynda óńirde qaýipti indetti juqtyrǵan 3331 naýqas tolyq jazylyp shyqqan. Jalpy, pandemııa beleń alǵaly oblysta Covid-19 ınfektsııasy rastalǵan 3395 jaǵdaı tirkeldi. Olardyń 2355-de aýrý sımptomsyz ótken bolatyn.
Oblystaǵy mekemelerde 8 ottegi stantsııasy, 400 ÓJJ apparaty, myńnan asa ottegi apparaty bar. 3 aıǵa jetetin dári-dármek qory jasaqtalǵan, 40-tan astam dári qoımasy, 800-deı dárihana jumys isteıdi.
