Túrkistan oblysynda koronavırýs juqtyrý sońǵy eki kúnde tirkelgen joq
TÚRKІSTAN. QazAqparat - Túrkistan oblysynda sońǵy bir táýlik ishinde 944 azamattan koronavırýs ınfektsııasyn anyqtaıyn synama alyndy, dep habarlaıdy QazAqparat.
Aımaq ákiminiń baspasóz qyzmetinen málim etkendeı, tapsyrylǵan barlyq test teris nátıje kórsetti.
Resmı málimet boıynsha, sońǵy eki táýlikte Túrkistan oblysynda koronavırýs ınfektsııasynyń jańa jaǵdaılary tirkelgen joq.
Qazir aýrýhanalardaǵy ınfektsııalyq statsıonarlarda nebári 31 naýqas atalǵan indetten em qabyldaýda.
Jalpy, juqpaly aýrýlarǵa shaldyqqan naýqastarǵa arnalǵan 600 tósek orynnyń 484-i bos tur. Pnevmonııa jáne tumaýmen 85 adamǵa em kórsetilýde. Naýqastardyń jaǵdaıy qanaǵattanarlyq.
Túrkistan oblystyq Qoǵamdyq densaýlyq basqarmasynyń aqparatyna sáıkes, óńirde koronavırýs ınfektsııasy barlyǵy 3322 adamnan anyqtaldy. Onyń 3168-i búgingi kúni saýyǵyp shyqty. Qaıtys boldy - 44 naýqas.
Jalpy oblysta 130 061 azamattan koronavırýsqa PTR-synama alyndy.
