Túrkistan oblysynda koronavırýs juqtyrý kórsetkishi 58 paıyzǵa tómendegen
Sala mamandary jyl basynan beri oblysta epıdemıologııalyq jaǵdaıdyń jaqsarǵanyn málimdeıdi.
Máselen, qańtar, aqpan aılarynda koronavırýs aýrýshańdyǵy 58% tómendegen.
Naýryz aıynyń alǵashqy aptasynda da turaqtylyq baıqalyp otyr.
Bul - óńirdegi epıdahýal boıynsha atqarylǵan kúndelikti jumystardyń nátıjesi, deıdi mamandar.
Túrkistan oblysynyń sanıtarııalyq-epıdemıologııalyq baqylaý departamentiniń málimdeýinshe, búgingi kúni óńirde koronavırýs juqtyrǵan 659 jaǵdaı tirkelgen.
Aımaqta buǵan deıin 4204 azamat indetten aıyqty. Túrkistan oblysynda 9 polımerazdy tizbekti reaktsııa zerthanalary jumys jasaıdy.
Ótken jyldan beri 532 myńǵa jýyq azamat PTR test tapsyrǵan.
Sonymen qatar, oblysta pnevmonııaǵa shaldyǵýshylar sany da 25% azaıyp otyr. Túrkistan oblysy elimiz boıynsha jasyl aımaqta.
Óńirdiń bas memlekettik sanıtarııa dárigeri Nurbek Nyshanovtyń sońǵy qaýlysynda kásipkerlik nysnadarynyń jumys ýaqyty uzartylyp, karantın shekteýleri jeńildedi.
Degenmen, mamandar óńir turǵyndaryn sanıtarııalyq-epıdemıologııalyq talaptardy qatań saqtaýǵa shaqyrady.
Kópshilik jıi shoǵyrlanatyn jerlerde áleýmettik qashyqtyq pen maska rejımi saqtalýy kerektigin eskertedi.
