Túrkistan oblysynda koronavırýs juqtyrǵandar sany 16 adamǵa jetti
TÚRKІSTAN. QazAqparat – Túrkistan oblysynda koronavırýs juqtyrǵandar sany 16 adamǵa jetti. Búginde indet taraǵan Jetisaı, Arys, Maqtaaral, Ordabasy,Saıram aýdandary men Kentaý qalasynda naýqastardyń úıleri oqshaýlanyp, saqtyq sharalary kúsheıtilgen, dep habarlaıdy QazAqparat tilshisi.
Oblystyq ákimdiktiń málimetinshe, óńirde indet juqtyrǵandar osyǵan deıin COVID-19 juqtyrǵan naýqastarmen baılanysta bolǵan.
«Koronavırýs juqtyrǵan 10 naýqas Jetisaı aýdanynda, Kentaý qalasynda 2 adam, Arys qalasy - 1, Maqtaaral, Ordabasy jáne Saıram aýdandarynda 1 adamnan tirkeldi. Vırýs juqtyrǵandar qazirgi ýaqytta oqshaýlanyp, em qabyldaýda. Qazirgi tańda atalǵan azamattarmen baılanysta bolǵandardy anyqtap, oqshaýlaý jumystary júrgizilýde» delingen habarlamada.
