Túrkistan oblysynda koronavırýs juqtyrǵan naýqastar halyqqa úndeý joldady

TÚRKІSTAN. QazAqparat – Túrkistan oblysynda COVID-19 ınfektsııasyn juqtyrǵan naýqastar men dárigerler málimdeme jasady. Olar halyqty saqtyq sharalaryn qadaǵalap, óz densaýlyǵyna nemquraıly qaramaýǵa shaqyrdy, dep habarlaıdy QazAqparat tilshisi.

Koronavırýs indetine shaldyqqandardyń biri - Dildar Atahanova. Ol Kentaý qalalyq juqpaly aýrýlar aýrýhanasyna aýyr halde jetkizilgen. 52 jastaǵy naýqastyń tek besinshi kúni beti beri qaraǵan. Oǵan dárigerlerdiń shuǵyl medıtsınalyq kómegi septigin tıgizgen.

Túrkistandyq ana ulynyń da osy aýrýǵa shaldyqqanyn aıtyp, koronovırýsqa senbeıtinderdi abaı bolýǵa shaqyrdy.

Aýrýhanada em qabyldap jatqan taǵy bir naýqas Tólegen Eztileýov - Arys qalasynyń turǵyny. 72 jastaǵy naýqas ta aýrýhanaǵa óte aýyr halde jetkizilgen. Qarııanyń jaǵdaıy qazir jaqsarǵan. Zeınet jasyndaǵy aqsaqal bul derttiń tym qaýipti ekenin aıtyp, halyq arasynda koronavırýs indeti jalǵan degen qaýesetke senbeıtinderge saqtaný kerektigin eskertti.

Aıta keteıik, búgingi kúnge deıin Túrkistan oblysy boıynsha covid-19 ınfektsııasyna 247 azamat shaldyqqan. Onyń arasynda 157 adam jazylyp shyqqan.