Túrkistan oblysynda koronavırýs juqtyrǵan 7 adamnyń eń kishisi 6 jasta
NUR-SULTAN. QazAqparat – Búgin saǵat18:00-degi málimetter boıynsha Túrkistan oblysynda 7 adamnan koronavırýs ınfektsııasy anyqtaldy, dep habarlaıdy QazAqparat.
«COVID-19 ınfektsııasy vırýsty juqtyrǵan adammen baılanysta bolǵan azamattardy tekserý barysynda Arys qalasynyń 1969, 2011, 2009, 2014 jylǵy turǵyndarynan, Kentaý qalasynyń 1990 jylǵy, Túrkistan qalasynyń 1994 jylǵy turǵynynan tabyldy. Sonymen qatar, Qazyǵurt aýdanynyń 1967 jylǵy azamatshasynan alynǵan synama da onyń vırýsty juqtyrǵanyn kórsetti»,-delingen Tótenshe jaǵdaı rejımin qamtamasyz etý jónindegi Memlekettik komıssııanyń Jedel shtaby.
Jedel shtab taratqan málimetterge qaraǵanda, qazirgi tańda, atalǵan naýqastarmen jaqyn baılanysta bolǵandar anyqtalyp, medıtsınalyq baqylaýǵa alynýda. Naýqastardyń jaǵdaıy qanaǵattanarlyq. Bekitilgen hattamaǵa sáıkes tıisti em alýda. Aýrý oshaqtarynda dezınfektsııalyq jumystar júrgizilip jatyr.
Osy kezde Túrkistan oblysynda vırýs juqtyrǵandar sany 162 adamdy qurap otyr, onyń ishinde jazylyp shyqqandary — 52 adam.
