Túrkistan oblysynda koronavırýs ınfektsııasyn juqtyrǵandar sany azaıdy
Túrkistan oblysy epıdemıologııalyq baǵalaý matrıtsasy boıynsha «jasyl» aımaqta. Sońǵy táýlikte koronavırýsqa shaldyǵýdyń 14 jaǵdaıy tirkeldi. Al 2 apta buryn bir táýlikte 148 naýqas anyqtalǵan bolatyn.
«Halyqty koronavırýsqa qarsy vaktsınatsııalaý naýqany bastalǵannan búgingi kúnge deıin COVID-19 ınfektsııasyna qarsy ekpe alýǵa jatatyn óńir turǵyndarynyń 100,1% І-komponentti saldyrdy, al ІІ-komponentti alǵandar sany 99,6% qurap otyr. Aımaqta 212 816 adam revaktsınatsııalaýdan ótti. Al, 12-17 jas aralyǵyndaǵy jasóspirimder men júkti jáne emizýli analar, jasy 60-tan asqan azamattar, jalpy 163 305 azamat «Pfizer» vaktsınasynyń І-komponentin aldy. ІІ- komponentti de saldyrǵandar sany- 88 255» - deıdi oblystyq sanıtarııalyq-epıdemıologııalyq baqylaý departamentiniń baspasóz hatshysy Ardaq Berdenova.
Búginde oblystaǵy ınfektsııalyq statsıonarlarda 809 tósek-oryn jasaqtalǵan. Qazirgi tańda 644 tósek-oryn bos. Oblys aýmaǵynda 150 ekpe qabyldaý beketi jumys istep jatyr.
Túrkistan oblysynyń sanıtarııalyq epıdemıologııalyq baqylaý departamentiniń mamandary epıdemıologııalyq ahýaldy budan ári turaqtandyrý úshin azamattardy maskalyq rejım, antıseptıkpen zalalsyzdandyrý, áleýmettik ara qashyqtyqty saqtaýmen qatar, vaktsına saldyrýǵa, Covid-19 qarsy ımmýnıtetti nyǵaıtý úshin revaktsınatsıalaýdan ótýge shaqyrady.
