Túrkistan oblysynda kópbalaly otbasyna aýyldastary úı alyp berdi

TÚRKІSTAN. QazAqparat - Báıdibek aýdany Jambyl aýylynyń turǵyndary kópbalaly otbasyna baspana syılady, dep habarlaıdy QazAqparat tilshisi.

Búginge kúnge deıin 5 bala-shaǵasymen baspana jaldap kúneltip kelgen Estebekovter otbasy jańa jyldy óz shańyraǵynda qarsy alatyn boldy.

Bul ıgi iske qońsy turatyn aýyldastary uıytqy bolǵan.

Jerlesteri baspana alyp berýge nıettenip, qarajat jınaǵanmen, mejelegen somaǵa jetkize almapty.

Bul isten habardar bolǵan aýdandyq máslıhat hatshysy Asqar Kenehan azamattyq tanytyp, qajetti qarjynyń jartysyn bergen.

Jańa jyldy óz shańyraǵynda qarsy alǵan kóp balaly otbasy da qýanyshqa kenelip, ıgi iske uıytqy bolǵan jerlesterine alǵys aıtty.

Aıta keterligi, bul - Báıdibek aýdanynda qaıyrymdylyqpen berilip jatqan 13 úı.

Saýap izdegen jomart jandar muqtaj otbasylarǵa baspana syılap, azyq-túlik alyp berýge udaıy qol ushyn sozyp keledi.