Túrkistan oblysynda kópbalaly ana memlekettik baǵdarlamanyń arqasynda óz kásibin bastady
TÚRKІSTAN. QazAqparat – Túrkistanda kópbalaly ana memlekettiń baǵdarlamanyń arqasynda óz kásibin bastady, dep habarlaıdy QazAqparat Túrkistan oblysynyń óńirlik kommýnıkatsııalar qyzmetine silteme jasap.
Atalmyş qyzmet taratqan aqparattarǵa qaraǵanda, Túrkistan oblysynyń ákimi Ómirzaq Shókeevtiń tapsyrmasyna sáıkes, Túlkibasta tamshylatyp sýǵarý ádisiniń jemisin kórip otyrǵan turǵyndar kóp. Qazirgi ýaqyttyń ózinde aýdanda 31 turǵyn tamshylatyp sýǵarý ádisin engizgen.
Solardyń biri kópbalaly ana Jylandy eldimekeniniń turǵyny Aıtbaeva Gýlbahıra Abdýllaqyzy. «Nátıjıeli jumyspen qamtý jáne jappaı kásipkerlikti damytýdyń» 2017-2021 jyldarǵa arnalǵan baǵdarlamasy aıasynda «tamshylatyp sýǵarý ádisi» jáne mal sharýashylyǵyn damytý baǵytynda 555600 teńgege qaıtarymsyz grant alyp, shaǵyn aýlasynda jumysyn bastaǵan.
Alǵashynda kópbalaly analarǵa qoldaý beriletinin estigen ol tez arada qujattaryn jınap, ótinim bergen.
Onyń sózinshe, nesıeni alǵaly otbasynyń jaǵdaıy edáýir túzelip qalǵan. Alynǵan qarjynyń 200 myń teńgesine «tamshylatyp sýǵarý qurylǵysyn», al qalǵan qarjyǵa saýyndy sıyr satyp alǵan.
«Búgingi tańda tamshylatyp sýǵarý qurylǵysyn úı irgelik 10 sotyq jerine ornalastyryp, ol jerge qyryqqabat, qyzanaq, kartop, qııar, bolgar buryshyn egip, alǵan ónimimnen qysqa daıyndaýda. Al, saýyn sıyrdan shyǵatyn sútti aýdandyq «Maılykent-Sút» JShS ótkizip, paıda taýyp otyr»,-delingen habarlamada.
