Túrkistan oblysynda kólikti qarsy baǵytqa aıdaǵan júrgizýshi jaýapqa tartyldy

TÚRKІSTAN. QazAqparat - Túrkistan oblysynda kóligimen qarsy baǵytqa shyǵyp, jol erejesin buzǵan júrgizýshi jaýapqa tartyldy, dep habarlaıdy QazAqparat tilshisi.

Oqıǵa Jetisaı aýdanynda bolǵan. Júrgizýshi kólikti qarsy baǵytqa qaraı aıdap, ony vıdeoǵa túsirip alǵan. Keıin áleýmettik jelige júktegen. Onyń bul áreketin jeli arqyly birden baıqaǵan tártip saqshylary «júgensiz» júrgizýshini izdep tapty.

«Jol qozǵalysy erejesin óreskel buzǵan júrgizýshige qatysty QR ÁQBtK-niń 596-baby 5-bóligi»Kólik quralyn joldyń júrý bóliginde ornalastyrý, qarsy júrip ótý nemese basyp ozý qaǵıdalaryn buzý«men 599-baby 1-bóligi»Baǵdarshamnyń tyıym salatyn sıgnalyna nemese retteýshiniń tyıym salatyn qımylyna qaramaı ótý«boıynsha ákimshilik hattama toltyryldy. Al kólik aıypturaqqa qoıyldy» - delingen Túrkistan oblysy polıtsııa departamentiniń baspasóz qyzmeti taratqan aqparatta.