Túrkistan oblysynda kólikten 9,5 mıllıon teńge aqshany qoldy qylǵandar ustaldy
TÚRKІSTAN.QazAqparat - Túrkistan oblysynda kólikterdi tonap júrgen kúdiktiler ustaldy. Tergeý barysynda olardyń bir kólikten 9,5 mıllıon teńgeden asatyn aqsha men zattardy tonap ketkeni anyqtaldy, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, Saryaǵash aýdanynyń turǵyny polıtsııaǵa shaǵymdanǵan. Aıtýynsha belgisiz bireýler kóliginen qomaqty qarajaty men saǵatyn jáne qujattaryn urlap áketken. Jábirlenýshi qoldy bolǵan zattardyń shyǵyny 9,5 mıllıon teńgeden asatynyn jetkizgen.
Atalǵan qylmysty ashý maqsatynda Saryaǵashtaǵy tájirıbeli polıtseıler sanatynan jedel-tergeý toby qurylyp, jedel-tergeý sharasymen avtokólik urysy izdestirildi. Jedel ýákilder kóshedegi beınebaqylaý kamerasynyń beınejazýymen, basqa da sharalardy qoldanýdyń nátıjesinde seziktilerdiń bireýin qolǵa túsirdi. Al qylmysqa qatysqan urylardyń ekinshisi tek bir aı ishinde ustaldy.
Tulǵalaryn tekserý barysynda olardyń Shymkent qalasynyń turǵyny ekeni, buǵan deıin de basqa kólikten 200 myń teńgege jýyq qarjyny jymqyrǵan urlyqqa qatysy bar ekeni anyqtaldy. Olar avtokólik terezesin syndyryp, baǵaly zattar men aqshalardy alyp, jasyrynyp kelgen. Polıtseıler urlanǵan múlikterdiń bir bóligin zańdy ıesine qaıtardy. Sotqa deıingi tergeý materıaldary QK 188-baby «urlyq» boıynsha aıyptaý aktisimen birge sotqa joldandy.
