Túrkistan oblysynda kólik qaqqan búldirshin mert boldy
ORDABASY. QazAqparat – Túrkistan oblysy, Ordabasy aýdanynda kishkentaı búldirshindi kólik qaǵyp ketti, dep habarlaıdy QazAqparat tilshisi.
Oblystyq PD baspasóz qyzmetiniń jetekshisi Saltanat Qarakózovanyń aıtýynsha, qaıǵyly jaǵdaı keshe keshkisin Badam aýylynda bolǵan. Balabaqsha jasyndaǵy balany «Opel vektra» kóliginiń júrgizýshisi qaǵyp ketken. Onyń Ordabasy aýdanynyń turǵyny ekeni anyqtaldy.
«Júrgizýshi jol kólik oqıǵasynan keıin eshqaıda ketpegen. Ol qazir kólik ýaqytsha ustaý ızolıatoryna qamaýǵa alyndy. Oqıǵa QR QK-niń 345 baby »Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy« boıynsha qylmystyq is qozǵaldy. Tıisti sot-medıtsınalyq saraptamalar taǵaıyndalyp, sotqa deıingi tergeý amaldary júrgizilýde. Oqıǵanyń mán-jaıy anyqtalyp jatyr», - dedi Saltanat Qarakózova.