Túrkistan oblysynda kóktemgi dala jumystaryn kedergisiz júrgizý algorıtmi bekitildi
TÚRKІSTAN. QazAqparat - Túrkistan oblysynda karantın rejımi kezinde kóktemgi dala jumystaryn kedergisiz júrgizý algorıtmi bekitildi, dep habarlaıdy QazAqparat.
Soǵan sáıkes Túrkistan oblystyq aýyl sharýashylyǵy basqarmasy arnaıy joba ázirledi. Ondaǵy maqsat – sharýalardyń oblysy aýmaǵynda kedergisiz júrýin qamtamasyz etý. Ol úshin aýyl sharýashylyǵy taýar óndirýshileri turǵylyqty jeri boıynsha aýdandyq aýyl sharýashylyǵy bóliminiń tizimine, óziniń aty-jónin JSN jáne avtokólik nómirin engizýi tıis.
Aýdandaǵy aýyl sharýashylyǵy bólimi jınaqtalǵan tizimdi oblystyq aýyl sharýashylyǵy basqarmasyna joldaıdy. Basqarma ruqsat qaǵazyn ázirleıdi. Ruqsat qaǵaz aýdandyq aýyl sharýashylyǵy bólimderiniń mórimen rastalyp, tıisti agroqurylymdarǵa usynylady.
Jobada sharýalardyń Shymkent qalasyna kirip-shyǵý múmkindigi de qarastyrylǵan. Ol úshin sharýalar aýdandyq aýyl sharýashylyǵy bóliminiń tizimine, óziniń aty-jónin avtokólik nómiri, JSN, júrgizýshinyń málimetin qosa usynýy qajet. Aýdandyq aýyl sharýashylyǵy bólimi jınaqtalǵan tizimdi oblystyq aýyl sharýashylyǵy basqarmasyna joldaıdy.
Al oblystyq basqarma Shymkent qalasy ákimdiginiń veterınarııa jáne aýyl sharýashylyǵy basqarmasyna tizimdi joldap, «SERGEK» bazasyna engizýdi qamtamasyz etedi.
