Túrkistan oblysynda kókpar uıymdastyrǵandarǵa aıyppul salyndy
TÚRKІSTAN. QazAqparat - Túrkistan oblysynda karantın talaptaryn saqtamaǵan turǵyndar jaýapqa tartylýda. Saryaǵash pen Qazyǵurt aýdandarynda kókpar uıymdastyrǵandar men toı ótkizgenderge aıyppul salyndy, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, Saryaǵash APB-nyń qyzmetkerlerimen ótken jyly karantındik talaptardy saqtamaýdyń 789 deregi tirkelip, SES-ke joldanǵan. Onyń ishinde quqyqbuzýshylyqtaryn birneshe ret qaıtalaǵan 4 jáıt anyqtalǵan. Atap aıtqanda, aýdan ortalyǵyndaǵy toıhanalardyń biri karantın rejımin jáne shekteý sharalaryn 2 ret buzǵan. Al, azyq-túlik dúkeniniń ıesi karantın talaptaryn buzýdy birneshe ret qaıtalap, oǵan tıisti kólemde aııyppul salynǵan. Kórshiles Qazyǵurt APB-nyń polıtsııa qyzmetkerleriniń de reıdtik is-sharalary kezinde jergilikti turǵynnyń kókpar uıymdastyrǵany anyqtaldy.
«Tártip saqshylary atalǵan jaıtty QR ÁQBtK-niń 425-baby «Halyqtyń sanıtarııalyq-epıdemıologııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý» boıynsha tıisti is-qujattardy jınaqtap, SES-ke joldady», delingen habarlamada.
