Túrkistan oblysynda qoǵamdyq kólikter dezınfektsııalanyp jatyr
TÚRKІSTAN. QazAqparat - «Qazaqstan Respýblıkasynda tótenshe jaǵdaı engizý týraly» QR Prezıdentiniń 2020 jylǵy 15 naýryzdaǵy №285 Jarlyǵyn iske asyrý nusqaýlyǵyn oryndaý maqsatynda, Túrkistan oblysy aýmaǵynda koronavırýstyq ınfektsııanyń paıda bolýy men taralýyna jol bermeý boıynsha arnaıy is-sharalar jospary bekitilgen.
Bul týraly QazAqparat Túrkistan oblysynyń Óńirlik kommýnıkatsııalar qyzmetine silteme jasap habarlaıdy.
ÓKQ-niń málimetterine qaraǵanda, qazirgi ýaqytta, udaıy oblystaǵy temirjol jáne avtobeketterdiń ǵımarattaryn, poıyz vagondary men qoǵamdyq kólikterdiń ishki salondaryn dezınfektsııalaý jumystary júrgizilýde.
Búginde oblysta turaqty baǵyttarǵa qyzmet kórsetetin 44 tasymaldaýshy mekeme 1300 dana qoǵamdyq kólikpen jolaýshylardy tasymaldaý qyzmetin kórsetedi. Jalpy oblysta 6 úlken avtovokzal, 26 kishi avtobeket, 4 jolaýshylarǵa qyzmet kórsetý pýnkti jumys isteıdi. Sonymen qatar, «Túrkistan-Badam» jáne «Túrkistan-Saryaǵash» áleýmettik mańyzy bar oblysishilik temirjol baǵyttaryna «Qalamańy tasymaly» AQ qyzmet kórsetýde.
Aıta keterligi, reıs aldyndaǵy medıtsınalyq jáne tehnıkalyq tekserýlersiz kez-kelgen oryndardan jolaýshylardy jınap, zańsyz júretin qoǵamdyq kólikter adam ómiri men densaýlyǵyna úlken qaýip tóndirýde. Oǵan qosa mundaı qoǵamdyq kólikterde dezınfektsııalaý jumystary júrgizilmeýi múmkin. Sondyqtan, oblystyq jolaýshylar kóligi jáne avtomobıl joldary basqarmasy tek qana óńirdegi avtovokzaldar men avtobeketterdiń qyzmetin paıdalanyp, zańsyz jolaýshylar tasymalynan aýlaq bolýǵa shaqyrady.
