Túrkistan oblysynda keıbir mektep dırektorlary 5 jyldan beri attestatsııadan ótpegen
Bul jaıynda ol óziniń Facebook paraqshasynda jazdy.
«Tańerteńnen beri Túrkistan oblysyndaǵy alty aýylǵa baryp, jeti mekteptiń jumysymen tanystym. Sonyń ishindegi eki mektep basshysynyń jumysyna tómen baǵa berýge bolady. Óz quzyretindegi mindetterin oryndaýyna jáne qajetti jumysty uıymdastyrýyna qatysty suraqtar bar. Sondaı-aq mektepterdiń birindegi kitaphanashyǵa «Oqýǵa qushtar mektep» jobasy boıynsha atqaryp jatqan jumysy úshin alǵysymdy aıttym» dep atap ótti Ashat Aımaǵambetov.
Onyń sózine sensek, taǵy eki mektepte osy joba boıynsha jumys tıisti deńgeıde oryndalyp otyrǵan joq.
«Mektep basshylarynyń attestatsııadan ótý merzimi ótip ketse de, keıbir oblys aýdandarynda 5 jyldan astam ýaqyt boıy attestatsııa ótkizilmegen. Osy oblystyń basqa da bilim berý uıymdarynyń jumysymen tanysamyn» deıdi Oqý-aǵartý mınıstri.
