Túrkistan oblysynda keýrek ósimdigin qazýshylar azaımaı tur

TÚRKІSTAN. QazAqparat - Otyrar aýdanynda keýrek ósimdigin qazǵan 51 sheteldik anyqtaldy, dep habarlaıdy QazAqparat tilshisi.

Otyrar aýdandyq polıtsııa bóliminiń qyzmetkerleri Qaraqońyr aýyldyq okrýgine qarasty dalalyq alqaptarda keýrek ósimdigin jınap júrgen 51 sheteldikti anyqtady. Olardyń 31-i Ózbekstan, 17-si Tájikstan Respýblıkasynyń azamattary bolyp shyqty.

«Sheteldikterge QR ÁQBtK-niń 517-baby 5-bóligi (Sheteldiktiń nemese azamattyǵy joq adamnyń Qazaqstan Respýblıkasynyń halyqtyń kóshi-qony salasyndaǵy zańnamasyn buzýy) boıynsha shara qoldanylyp, el aýmaǵynan alastatty» - delingen Túrkistan oblysy polıtsııa departamentiniń baspasóz qyzmeti taratqan habarlamada.

Ataı keteıik, Túrkistan oblysynda keýrek ósimdigin qazýshylar budan buryn da ustalǵan bolatyn.