Túrkistan oblysynda kene shaǵý jaǵdaılary 2 ese kóbeıdi
TÚRKІSTAN. QazAqparat - Túrkistan oblysynda jyl basynan beri 318 azamatty kene shaqty. Bul ótken jyldyń sáıkes kezeńimen salystyrǵanda keneden zardap shegýshilerdiń 2 ese artqanyn kórsetedi, dep habarlaıdy QazAqparat tilshisi.
Sanıtarııalyq-epıdemıologııalyq baqylaý qyzmetiniń mamandary ótken jyly kene shaǵý faktileriniń az bolýyn karantınge baılanysty tabıǵatqa shyǵý, serýendeýge qoıylǵan shekteýlermen baılanystyrady.
«Bıyldyń ózinde oblysta Qyrym Kongo gemorragııalyq qyzbasynyń bir jaǵdaıy tirkeldi. Qazyǵurt aýdanynyń turǵynyn 10 mamyr kúni óz aýlasynda kene shaqqan. 2-3 kúnnen keıin álsizdik, dene qyzýynyń kóterilýi, ıne engizý oryndarynyń aýyrsynýy, qyzarýy syndy belgileri biline bastaǵan soń jedel járdemmen ortalyq aýrýhanaǵa jatqyzyldy. Qazirgi jaǵdaıy ortasha aýyr»,-deıdi Túrkistan oblysy sanıtarııalyq-epıdemıologııalyq baqylaý departamentiniń baspasóz hatshysy Ardaq Berden.
Jalpy jyl basynan búginge deıin 62 eldi mekende zooparazıtologııalyq top barlaý jumysyn júrgizgen.
Olar 15 252 dana kene jınady.
Zertteý nátıjesi boıynsha 54 synamadan - oń nátıje, ıaǵnı Qyrym Kongo gemorragııalyq qyzbasynyń vırýstary anyqtalǵan.
Qolaısyz sanalatyn 85 eldi mekende sanıtarııalyq qorǵaý aımaqtary qurylyp, zalalsyzdandyrý jumysy júrgizilip jatyr.
