Túrkistan oblysynda kelin túsirip, qudalyq ótkizgender azaımaı otyr

TÚRKІSTAN. QazAqparat - Karantın sharalaryn elemeıtinder qatary azaıar emes. Jaqyndary men týystarynyń basyn qosyp, kópshilikke toı berip, jıyn jasap jatqandar áli de kezdesedi, dep habarlaıdy QazAqparat Túrkistan oblysynyń polıtsııa departamentine sliteme jasap.

Máselen, Túrkistan oblysy Otyrar aýdanynda karantın talaptaryn óreskel buzǵan 2 birdeı turǵyn anyqtaldy. Onyń biri óz úıiniń aýlasynda týystarynyń basyn qaýip-qaterge tigip, betashar toıyn jasasa, ekinshisi óz úıinde qudalyq ótkizgen.

Atalǵan eki jaıt boıynsha QR ÁQBtK-niń 425-babymen tirkeýge alynyp, is-qujattary jınaqtalyp, taýarlar men kórsetiletin qyzmetterdiń sapasy men qaýipsizdigin baqylaý basqarmasyna zańdy sheshim qabyldaý úshin joldandy.

Keles aýdandyq polıtsııa bóliminiń qyzmetkerleri júrgizgen reıd kezinde dál osyndaı shekteý erejelerin eskermegen eki tulǵa anyqtaldy.

Ekeýi de aýdan meıramhanalarynda qyz uzatý toıy men qudalyq jıynyn ótkizgen. Óz kezeginde toı ıesi men zańdy belshesinen basa otyryp, jalpyǵa ortaq erejeni buzǵan toıhana ıesine túsindirý jumystary júrgizildi.

Sonymen qatar QR ÁQBtK 425-babymen qujattar jınaqtalyp, zańdy sheshim shyǵarý úshin tıisti orynǵa jiberildi.

Oblys polıtseıleriniń aıtýynsha, karantın kezinde toı-jıyn, basqosý, otbasylyq, merekelik, ujymdyq is-sharalardy uıymdastyrýǵa tyıym salynǵan. Oǵan qosa maska rejımi men araqashyqtyqty únemi saqtaý mindetteledi.