Túrkistan oblysynda Keles ózenine aǵyp ketken 10 jasar bala qutqaryldy
KELES. QazAqparat – Túrkistan oblysy Keles aýdanynda 10 jasar bala ózen sýyna aǵyp ketken. Aǵysy qatty Keles ózeninde jasóspirimdi baıqap qalǵan turǵyndar polıtsııaǵa qońyraý shalǵan, dep habarlaıdy QazAqparat tilshisi.
Polıtseılerdiń anyqtaýynsha, kúndizgi saǵat 11:30 shamasynda Keles ózeninde shomylyp júrgen jasóspirimdi sýdyń qatty aǵysy alyp ketken. Sol ýaqytta ózen jaǵasynda júrgen polıtsııaǵa kómektesýshi volonter Erkeǵalı Tashanov balany kórip qalyp, shuǵyl áreketke kóshedi.
Ol tez arada sýǵa súńgip, sý túbine ketip bara jatqan jasóspirimdi sý betine alyp shyǵady. Osylaısha erikti azamat erlik kórsetip, jas balanyń ómirin aman alyp qalǵan.
Ólim aýzynan qalǵan jasóspirimge alǵashqy medıtsınalyq kómek kórsetilip, ol aýdandyq aýrýhanaǵa jetkizilgen.
Óz kezeginde balalaryna qaıta ómir syılaǵan eriktige jasóspirimniń týǵan-týystary shynaıy alǵysyn jetkizdi.
