Túrkistan oblysynda Qazposhta keńsesi jandy
TÚRKІSTAN. QazAqparat - Túrkistan oblysynyń Kentaý qalasynda «Qazposhta» AQ bólimshesinen órt shyqty. QazAqparat bul týraly QR Tótenshe jaǵdaılar mınıstrliginiń remı ókili Talǵat Ýálıge silteme jasap habarlaıdy.
«5 jeltoqsanda saǵat 22:58-de «101» pýltine Kentaý qalasynda úsh qabatty turǵyn úıge japsarlas salynǵan «Kazpochta» AQ keńsesinde órt shyqqany týraly habarlama tústi.
Órt sóndirýshiler oqıǵa ornyna jetken boıda, qoımada qaǵaz janyp jatqany anyqtaldy. Jalyn 30 sharshy metr aýmaqty sharpydy.
Ot saǵat 23:20-da oqshaýlandyrylyp, 23:30-da tolyǵymen sóndirildi.
Qaza bolǵandar men zardap shekkender joq. Órt sebebi anyqtalýda», - dedi T.Ýálı.
Tilsiz jaýmen kúreske Túrkistan oblysy TJD 14 qyzmetkeri men 4 tehnıkasy jumyldyrylǵan.
