Túrkistan oblysynda qazandyǵy jarylǵan mekteptiń oqýshylary qashyqtan bilim alady
Búgin Saıram aýdany, Qaınar Bulaq aýyly, Oshaqty eldimekeninde mektep qazandyǵy jarylǵan bolatyn. Qazir Tótenshe jaǵdaı departamentiniń qyzmetkerleri men polıtsıeıler jarylystyń saldary men materıaldyq shyǵyndy anyqtaýda. Al, oqýshylar qashyqtan bilim alýǵa jiberildi.
«Bilim ordasy 2014 jyldyń qańtar aıynda paıdalanýǵa berilgen. Qazirgi tańda 156 oqýshy bilim alýda. Jarylystyń saldarynan oqýshylar men ustazdar qaýymy zardap shekken joq. Mektep qazandyǵy isten shyǵýyna baılanysty, qazandyq qalpyna keltirgenge deıin, oqýshylar qashyqtan oqytýǵa jiberildi» - delingen Saıram aýdany ákimdiginiń baspasóz qyzmeti taratqan habarlamada.
Aıta keteıik, búgin tańǵy saǵat 08:24 shamasynda Oshaqty eldimekenindegi mektep qazandyǵy jarylǵan bolatyn. Oqıǵa ornynda 1963 jyly týǵan ot jaǵýshy kóz jumdy. Al, ǵımarattyń 20 sharshy metr bolatyn shatyry men qabyrǵalaryna zaqym kelgen.
