Túrkistan oblysynda qaıyn ápkesi kelininiń betin kúıdirip tastaǵan

TÚRKІSTAN. QazAqparat - Túrkistan oblysynda qaıyn ápkesi gaz plıtasyn taza ustamaǵany úshin kelininiń betin qyzdyrylǵan shanyshqymen kúıdirgen. Jurttyń jaǵasyn ustatqan jaǵdaı áleýmettik jelige tarap ketken bolatyn, dep habarlaıdy QazAqparat tilshisi.

Oblystyq Polıtsııa departamentiniń málimetinshe, jelige jarııalanǵan jaǵdaı Otyrar aýdanynda tirkelgen. Alaıda búgingi kúnge deıin Otyrar APB-ǵa osy jazbadaǵy jaıt boıynsha eshkim aryzdanbaǵan jáne habarlama túsirmegen.

«Qazirgi tańda jazba boıynsha tıisti sharalar atqarylýda. Bul jaıt TO PD bastyǵynyń jeke baqylaýyna alyndy. Otyrar APB polıtseılermen zań aıasyndaǵy tekserý jumystarynyń barlyǵy iske asyrylýda» delingen habarlamada.