Túrkistan oblysynda kásipkerler palatasynyń keńesine úmitkerlerdi qabyldaý bastaldy
TÚRKІSTAN. QazAqparat –Túrkistan oblysynda Kásipkerler palatasy Óńirlik keńesiniń músheligine úmitkerlerden ótinim qabyldaý bastaldy. Kandıdattyqqa óńirde tirkelgen kásipkerler men Kásipkerler palatasynda akkredıtteýden ótken qaýymdastyqtardyń birinshi jetekshileri saılanady, dep habarlaıdy QazAqparat tilshisi.
Oblystyq Kásipkerler palatasynyń dırektory Tımýr Naqypbekovtyń aıtýynsha, óńirlik keńes - memlekettik organdar men bıznes qaýymdastyq arasyndaǵy dıalog alańy bolyp tabylady. Turaqty keńes músheleri bıznestiń túıitkildi máselelerin sheshýge qatysyp, óńirdegi kásipkerliktiń damýyna yqpal etedi. Sondaı-aq, normatıvtik-quqyqtyq aktilerdi jasaýǵa qatysady.
«Óńirlik keńes músheligine óte alatyndar: QR azamaty, óńirdiń áleýmettik-qoǵamdyq ómirine belsendi aralasýshy, kásipkerler arasynda jáne qoǵamda bedelge ıe bolǵandar, bıznesiniń tarıhynyń durys bolýy, áleýmettik jaýapty kásipkerler, oblystyq jáne qalalyq máslıhattardyń depýtattary, zańmen belgilengen tártipte ótelmegen nemese alynbaǵan sottylyǵynyń bolmaýy kerek», - dedi palata dırektory.
Tımýr Naqypbekovtyń aıtýynsha, 7-15 shilde aralyǵynda kandıdattardy tanystyrý men ary qaraı 16-19 shilde aralyǵynda úgit-nasıhat jumystary bastalady. Al, daýys berý onlaın rejımde 20-22 shilde aralyǵynda ótedi. Oblystyq keńestiń 60% oblys ortalyǵyndaǵy kásipkerlik sýbektilerinen jáne Óńirlik palatada akkredıtteýden ótken qaýymdastyq, ózin-ózi retteýshi uıymdardan, al 40% aýdandardaǵy kásipkerlik sýbektilerinen quralatyn bolady.
Aıta keterligi, azamattyq ustanymy bar kez kelgen kásipker salanyń damýyna kedergi keltiretin máseleler men kedergiler týraly ıdeıasy bolsa, ótinishin https://vote.atameken.kz nemese a.ibadullayev@atameken.kz poshtalaryna jiberýine bolady. Sondaı-aq, Túrkistan oblysynyń Kásipkerler palatasynyń 8 777 918 89 51, 8 775 296 90 59 telefondaryna habarlasýǵa bolady.
