Túrkistan oblysynda kásipkerler kóbeıgen
TÚRKІSTAN. QazAqparat – Túrkistan oblysynda memleketten kómek alyp, kásibin júrgizip jatqan turǵyndar kóbeıip keledi, dep habarlaıdy QazAqparat tilshisi.
Tańatar aýylynyń turǵyny aýdandyq jumyspen qamtý ortalyǵyna kelip, ótinish bildirgen. Bul otbasyǵa úı qustaryn asyrap, ony damytý úshin 1 mln 300 teńge qarjy taǵaıyndalǵan. Alǵashqy taǵaıyndalǵan 362 myń teńgege bul otbasy kórshiles Saıram aýdanyndaǵy Qarabulaq eldimekeninen 80 bas taýyq satyp ákelgen.
Qazir tańda úı qustarynyń sanyn kóbeıtip, etin bazarlarǵa saýdalaýda. Al, jetisaılyq kásipker Nurbolat Dintaev alǵashqyda tek nan pisirýdi qolǵa alǵan bolatyn.
Ol búginde «Jastar jyly» aıasynda jyldyq ústemesi 1 paıyzdy quraıtyn jeńildetilgen nesıe alǵan. ıAǵnı, memlekettik baǵdarlama arqyly jeńildikpen 2 mln teńgege qol jetkizip, tseh aýqymyn keńeıtken. Qazirgi tańda ózi turatyn Asyqata kentiniń 3 turǵynyn turaqty jumys ornymen qamtamasyz etip otyr. Onyń tsehynan dámdi torttardyń 10 túri jáne táttilerdiń 15 túrin shyǵýda. Jas kásipker aldaǵy ýaqytta oblys kóleminde naryqqa shyǵyp, saýda núktelerin ashsam dep otyr.
