Túrkistan oblysynda kásipkerler aýrýhanalarǵa tynys alý qurylǵylaryn alyp berdi
TÚRKІSTAN. QazAqparat- Túrkistan oblysynda kásipkerler aýrýhanalarǵa tynys alý qurylǵylaryn alyp berdi.Igi bastamany Saıram aýdanynyń isker azamattary qolǵa alyp, naýqastarǵa qoldaý kórsetti, dep habarlaıdy QazAqparat tilshisi.
Qarabulaq aýylynyń turǵyny, erikti Babyr Hasantaevtyń bastamasymen saıramdyq kásipkerler 5 mln teńge kóleminde qarjy jınap, onyń 3,5 mln teńgesine 19 Bobrov medıtsınalyq tynys alý qurylǵylaryn satyp áperdi. Kásipkerler demeýshiliginen artylǵan qarajatqa aýrýhanaǵa azyq-túlik alyndy. Sebebi, munda naýqastarmen qatar, qaýipti dertti emdeıtin medıtsına qyzmetkerleri de 14 kúnge deıin úıinen oqshaýlanyp, qyzmet etip júr.
Aıta keteıik, Saıram aýdany boıynsha Aqsýkent jáne Qarabulaq ortalyq aýrýhanalarynda 87 oryn bar bolsa, qosymsha Qarabulaq aýylyndaǵy «SAPA» jekemenshik medıtsınalyq ortalyǵynan taǵy 30 oryn ashylǵan.
Al, Saryaǵash aýdandyq ortalyq aýrýhanasyndaǵy provızorlyq statsıonardaǵy em qabyldap jatqan naýqastarǵa qazirgi tańda kemshin túsýp jatqan ottegi ballondary jetkizildi. Aýdan ákimdiginiń uıymdastyrýymen demeýshi azamattar ortalyqqa 32 dana ottegi ballondaryn ákelip berdi.
