Túrkistan oblysynda qarjy pıramıdasyn qurdy degen kúdikpen 6 adam ustaldy
TÚRKІSTAN. QazAqparat - Túrkistan oblysynda qarjy pıramıdasyn qurdy degen kúdikpen 6 adam ustaldy. Jábirlenýshiler sany 317 adamǵa deıin jetken, dep habarlaıdy QazAqparat tilshisi.
Oblystyq PD málimetinshe, búginde Tergeý basqarmasynyń óndirisinde QR QK 217-baby « qarjy pıramıdasyn qurý jáne basqarý» boıynsha is qozǵalǵan. Jetisaı, Maqtaaral jáne Shardara aýdandarynyń 317 turǵyny aýdandyq ishki ister organdaryna aryzdanǵan. Osy qylmysqa qatysy bar degen kúdiktiler qamaýǵa alyndy. Olardyń qatarynda 1 er adam men 5 áıel bar.
Aıta keteıik, buǵan deıin jedel-izdestirý is-sharalary barysynda Jetisaı APB qyzmetkerleri qarjy pıramıdasynyń qyzmetin toqtatqan bolatyn. Tergeý aıasynda kúdiktilerden qujattar, kompıýterler jáne basqa da zattaı dáleldemeler tárkilengen. Jetisaı aýdandyq polıtsııa bóliminiń bazasynda oblystyq polıtsııanyń tergeý jáne jedel bólimsheleriniń kásibı qyzmetkerlerinen turatyn arnaıy jedel-tergeý toby qurylǵan.
Tártip saqshylary zardap shekkenderdiń sany artýy múmkin ekenin joqqa shyǵarmaıdy. Shyǵyn somasy belgilenýde. Qazirgi ýaqytta osy qylmystyq is boıynsha sotqa deıingi tergeý jalǵasýda.
