Túrkistan oblysynda qarly borannan joldar jabylyp, kóktaıǵaqtan kólikter soqtyǵysty
Oblystyq PD málimetinshe, Shymkent-Túrkistan tas jolynda 4 jeńil avtokólik soqtyǵysqan. «VAZ» júrgizýshisi jaraqat alyp, medıtsınalyq kómek kórsetilgen. Avtokólikke materıaldyq shyǵyn keltirilgen. Atalmysh jol apatyna baılanysty jolda keptelis paıda bolyp, sol ýchaskede kóp kólik turyp qalǵan.
Ordabasy aýdandyq PB jeke quramy jáne patrýldik polıtsııa ınspektorlary jolda qalyp qoıǵan júrgizýshiler men jolaýshylarǵa kómek kórsetti. Polıtseıler adamdardy jylytý pýnktine jetkizdi, kólikterdi súıreýge, keptelisti joıýǵa jáne joldardy qardan tazartýǵa kómektesti.
Óńirde qardyń qalyń jaýyp, qatty jel soǵýy saldarynan keıbir respýblıkalyq, oblystyń joldarda avtokólik qozǵalysy qıyndaı túsken.
Búginde Almaty-Tashkent-Termez tas jolynda, Túlkibas aýdanyndaǵy Shaqpaq baba aýylynyń mańynda, Báıdibek aýdanyndaǵy oblystyq mańyzy bar joldarda (ShQ-1, Qoshqarata-Jaryqbas-Birlik) qozǵalys ýaqytsha toqtatyldy jáne Ordabasy aýdany Shubar aýdanyndaǵy M-32, Samara-Shymkent tas joldarynda qozǵalys shektelgen.
Joldardyń qaryn arshý úshin respýblıkalyq trassada 49 arnaıy kólik jáne oblystyq joldarda 44 kólik jumyldyryldy, onyń ishinde qar jınaıtyn tehnıka da bar.
Tártip saqshylary júrgizýshilerge jyldamdyqty asyrmaı, ara qashyqty saqtaýdy, artyq manevr men kólikti kúrt tejeýden aýlaq bolýǵa keńes beredi.