Túrkistan oblysynda qarııanyń aýlasynan 4,7 myńnan astam túp kóknár tabyldy
TÚRKІSTAN. QazAqparat – Túrkistan oblysynyń Keles aýdanyndaǵy qarııanyń aýlasynda 4,7 myńnan astam túp kóknár ósirilgeni anyqtaldy, dep habarlaıdy QazAqparat Túrkistan oblysy Polıtsııa departamentiniń baspasóz qyzmetine silteme jasap.
Túrkistan oblysy PD Esirtki qylmysyna qarsy kúres basqarmasy qyzmetkerleri Keles aýdandyq polıtsııa bóliminiń qyzmetkerlerimen birlesip, zańsyz esirtki ekken kúdiktini ustady. Egde jastaǵy er adam aýlasynda quramynda esirtki bar ósimdiktiń kóp mólsherde ósirgen.
Onyń úıin tintý kezinde kóknár tárizdes 4 730 túp esirtki ósimdigi tabylyp, tárkilendi. Saraptamaǵa sáıkes, quramynda esirtki bar kóknár túpteriniń jalpy salmaǵy 205 keliden asty. Al al keptirilgen kóknárdiń salmaǵy 12,5 kelige jýyqtady.
Osy oqıǵa boıynsha QR QK-niń 300-baby 2-bóligi «quramynda esirtki zattary bar ósirýge tyıym salynǵan ósimdikterdi zańsyz ósirý» boıynsha biryńǵaı sotqa deıingi tergeý tizilimine tirkeldi. Atalǵan bap boıynsha úsh jyldan segiz jylǵa deıingi merzimge bas bostandyǵynan aıyrýdy qarastyrylady.
Kúdikti qamaýǵa alyndy. Qazirgi ýaqytta kúdiktiniń esirtkini ne sebeppen ósirip, saqtaǵanyn anyqtalyp jatyr.
