Túrkistan oblysynda karantındi saqtamaǵan 108 turǵyn jaýapkershilikke tartylǵan
TÚRKІSTAN. QazAqparat – Túrkistan oblysynyń mobıldi toptar azamattardyń, saýda jáne oıyn-saýyq oryndarynyń, dúkender men bazarlardyń ıelerimen, sondaı-aq adamdar kóp jınalatyn oryndarda, qoǵamdyq kólikterde jáne kóshelerde karantın rejıminiń saqtalýyn tekserýde, dep habarlaıdy QazAqparat tilshisi.
Karantın shekteýi engizilgennen beri óńirdiń tártip saqshylary reıd jáne profılaktıkalyq shara barysynda 115 quqyqbuzýshylyqty anyqtady. Onyń ishinde 4 jaǵdaı úılený toıy men otbasylyq jıyndy uıymdastyrý bolyp otyr. Osyndaı zańbuzýshylyqtarǵa jol bergen 108 azamat pen 7 mekeme ıesi QR ÁQBtK-niń 425-babymen ákimshilik jaýapkershilikke tartyldy. Sondaı-aq, QR ÁQBtK-niń 462-baby «Memlekettik ınspektsııalar men memlekettik baqylaý jáne qadaǵalaý organdarynyń laýazymdy adamdaryna olardyń qyzmettik mindetterin oryndaýyna kedergi keltirý, qaýlylardy, nusqamalardy jáne ózge de talaptardy oryndamaý» boıynsha 69 quqyqbuzýshylyq anyqtalǵan.
Sonymen qatar, Maqtaaral aýdanyndaǵy sý aıdyndarynda balalar men eresekterdiń sýǵa shomylýyna jol bermeý úshin kúndelikti reıd júrgizilip otyr. Sýǵa shomylǵandarǵa ýchaskelik polıtsııa ınspektorlary koronavırýs ınfektsııasy kezinde tyıym salynǵan jerlerde sýǵa túsý qaýpi týraly túsindirdi. Aımaqtyń polıtseıleri osyndaı is-sharalar barlyq qala jáne aýdan ortalyqtarynda ótkizilýde. Onda tártip saqshylary densaýlyq saqtaý jáne jergilikti atqarýshy organ ókilderimen birlesip, búkil álemde taralǵan koronavırýs ınfektsııasy pandemııasy kezeńinde karantın sharalaryn saqtaýdyń, ózin-ózi oqshaýlaýdyń jáne áleýmettik qashyqtyqtyń mańyzdylyǵy týraly turǵyndarǵa profılaktıkalyq keńes berildi.
