Túrkistan oblysynda karantındi kúsheıtý jóninde jańa qaýly qabyldandy
«Ashyq» jobasyna qatyspaıtyn nysandar jáne HQO jumys kúnderi saǵat 9.00-18.00-ge deıin jumys isteıdi. Al demalys jáne mereke kúnderi QR eńbek zańnamasyna sáıkes jumysy toqtaıdy.
Oblys aýmaǵyndaǵy ashyq bazarlar (azyq-túlik, azyq-túlik emes), jármeńkeler qyzmetine ruqsat etilip, qoǵamdyq kóliktiń (qarbalas ýaqytta avtobýstar sanyn kóbeıtý, otyratyn oryndar sany boıynsha 50% toltyrýmen, ýaqyt boıynsha 9.00-23.00-ge deıin shekteýmen) qyzmetine ruqsat etildi.
Al, dinı obektiler maska kııý rejımin jáne áleýmettik qashyqtyqty saqtaı otyryp, bir adamǵa keminde 4 sharshy metr esebimen alań bólingen jaǵdaıda meshitter, pravoslav shirkeýleri jáne basqa da dinı obektiler aýmaǵynda ashyq aýada ujymdyq dinı is-sharalar (onyń ishinde «juma namazy», kúndelikti pravoslavııalyq duǵalar jáne basqalar) ótkizýge ruqsat etildi.
Áleýmettik qashyqtyqty saqtaı otyryp, maska kııý rejımin saqtaǵan 3 adamnan aspaıtyn toptarmen nemese bir otbasy múshelerimen oıyn-saýyq obektilerinsiz saıabaqtarǵa, alańdar men skverlerge, jaǵajaılarǵa, jaǵalaýlarǵa jáne halyqtyń ózge de demalys oryndaryna barýǵa bolatyny habarlandy.
Oblys aýmaǵyndaǵy aýdan, qala ákimderi, qoǵamdyq densaýlyq basqarmasy basshylyǵyna 15 shildege deıingi merzimde (turaqty medıtsınalyq qarsy kórsetilimderi bar jáne sońǵy 3 aı ishinde COVID-19-ben aýyryp jazylǵan adamdardy qospaǵanda) vaktsınanyń birinshi komponentimen, al 2021 jylǵy 15 tamyzǵa deıingi merzimde COVID-19-ǵa vaktsınanyń ekinshi komponentimen profılaktıkalyq ekpe jasaý tapsyryldy.
Profılaktıkalyq ekpe júrgizý qajettiligine erekshe nazar aýdara otyryp, COVID-19 jańa koronavırýstyq ınfektsııasynyń proflaktıkasy máseleleri boıynsha jumyskerler arasynda aqparattyq-túsindirý jumysyn kúsheıtý mindetteldi.
COVID-19-ǵa qarsy vaktsınatsııa almaǵan jumyskerler úshin (turaqty medıtsınalyq qarsy kórsetilimderi bar jáne sońǵy 3 aı ishinde COVID-19-ben aýyryp jazylǵan adamdardy qospaǵanda) oflaın rejımde jumysqa jiberý shekteletin boldy.
20-22 shilde aralyǵynda Qurban aıt mepekeci kúnderi koronavırýstyń aldyn alý sharalaryn júrgizý algorıtmi tolyqtyrylyp, qaýlyny menshik nysanyna qaramastan barlyq jeke jáne zańdy tulǵalardyń oryndaýy mindetteldi.
