Túrkistan oblysynda karantın jáne shekteý sharalary uzartyldy
TÚRKІSTAN. QazAqparat – Túrkistan oblysynyń aýmaǵynda oblystyq Bas memlekettik sanıtarııalyq dárigerdiń qaýlysymen karantın jáne shekteý ic-sharalary 19 shildeden bastap uzartyldy, dep habarlaıdy QazAqparat.
«Túrkistan oblysynyń aýmaǵynda karantın jáne shekteý ic-sharalary 2020 jylǵy 19 shilde saǵat 00.00-den bastap koronavırýs ınfektsııasy boıynsha epıdemıologııalyq jaǵdaı turaqtalǵanǵa deıin uzartylsyn», delingen oblystyq Bas memlekettik sanıtarııalyq dáriger Nurbek Nyshanovtyń 17 shildedegi №28 qaýlysynda.
Oblys aýmaǵynda merekelik, sporttyq-buqaralyq, oıyn-saýyq mádenı kópshilik ic-sharalar ótkizýge salynǵan tyıym sol qalpynda qaldy. Kınoteatr, túngi klýb, sport, fıtnes, jattyǵý zaldary, saýda oıyn-saýyq ortalyqtary, saýda úıleri, kompıýter klýby, karaoke, bılıard, boýlıng ortalyqtary da jumys istemeıdi.
Sonymen qatar dinı obektilerdiń jumysy toqtatylady. Oblys aýmaǵynda maska kııý táptibi saktalady.
Azyq-túlik bazarlary jumys kúnderi saǵat 10.00-den 16.00-ge deıin, senbi-jeksenbi kúnderi toqtatylady. Buǵan deıin demalys kúnderi bul bazarlar saǵat 08.00-den 13.00-ge deıin jumys istep keldi.
Azyq-túlik emes bazarlarynyń jumysy (dúısenbi-juma) saǵat 10.00-den 16.00-ge deıin shektelse, demalys kúnderi (senbi-jeksenbi) jabyq.
Qoǵamdyq kólik (avtobýs, shaǵyn avtobýstar) saǵat 06:00-den 10:00-ge deıin, saǵat 17:00-den 21:00-ge deıin júredi. Avtobýsty tolymdylyǵy 50%-ǵa deıin shekteledi.
Eske sala ketsek, Túrkistan oblysynda karantın shekteý sharalary 5-inen 19 shildege deıin uzartylǵan edi.
