Túrkistan oblysynda karantın talaptaryn saqtamaýdyń 6000-nan astam deregi anyqtaldy
TÚRKІSTAN. QazAqparat - Túrkistan oblysynda 6035 karantın talaptaryn saqtamaý deregi anyqtalyp, sanıtarııalyq-epıdemıologııalyq baqylaý qyzmetkerleri 4778 hattama toltyrǵan. Onyń ishinde toı men qudalyq ótkizýge qatysty 569 jaıt tirkelgen bolsa, 2271 derek úıinde túrli is-sharalar ótkizgen turǵyndarǵa qatysty tirkelgen, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, Maqtaaral aýdanynda karantın talaptaryn saqtamaǵan 313 jaıt anyqtalǵan.
«Máselen, Órkenıet aýylynda 80 adam qatysqan kókpar oıyny anyqtalǵan. Polıtseıler kókpar oıynyn toqtatyp, oǵan jınalǵan turǵyndardy taratqan.
Odan bólek, Atakent aýylynda uıymdastyrylǵan reıdtik tekserý jumystary kezinde dámhanalar qyzmetkerleriniń betperdesiz qyzmet kórsetip júrgeni anyqtalǵan» delingen habarlamada.
