Túrkistan oblysynda karantın talaptaryn saqtamaǵandarǵa 224 mln teńge aıyppul salyndy
Oblystyń bas memlekettik sanıtarlyq dárigeriniń orynbasary Asqar Ysqaqovtyń aıtýynsha, karantın rejımin buzyp jumys istegen nysan ıeleri men jeke tulǵalarǵa 4 myńǵa jýyq ákimshilik hattama toltyrylǵan. 224 mln teńge kóleminde aıyppul salynǵan.
«Búgingi kúni oblysta aýyryp úı karantınine jatqyzylǵan azamattar, jaýapkershilikti sezinbesten qoǵamdyq oryndarǵa shyǵý faktileri jıileýde. Oblys boıynsha pandemııa bastalǵannan beri «COVID-19» indetimen tirkelgen jaǵdaılar sany 12 004. Onyń 10 252-si jazylyp shyqsa, 64-ti qaıtys bolǵan»,- Asqar Ysqaqov.
Búgingi kúnge deıin óńirde 695 922 adam koronavırýs indetine qarsy vaktsınanyń 1-shi komponentin qabyldaǵan. Oblys boıynsha 3600 ınfektsııalyq 300 karantındik jáne 320 reanımatsııalyq tósek-oryn uıymdastyrylǵan. Іndettiń ár túrli stsenarıine baılanysty ınfektsııalyq tósek-oryn sanyn 5 610-ǵa deıin ulǵaıtýǵa múmkindik bar.
«Memlekettik PTR zerthanalarynyń sany 3-ten 10 -ǵa deıin jetkizildi. Jalpy 950 898 adam tekserýden ótkizildi. Sońǵy táýlikte 106 adam KVI aýrýshańdyqpen tirkelip, onyń 43 naýqas sımptomsyz túri», – dedi oblystyq Qoǵamdyq densaýlyq basqarmasy basshysynyń orynbasary Altyn Dosanova málimdedi.