Túrkistan oblysynda karantın talaptary saqtalady – Ómirzaq Shókeev
TÚRKІSTAN. QazAqparat – Elimizde tótenshe jaǵdaı rejımi toqtaǵanymen Túrkistan oblysynda karantın talaptary áli de saqtalady. Bul týraly oblys ákimi Ómirzaq Shókeev kezekti jınalys kezinde atap ótti, dep habarlaıdy QazAqparat tilshisi.
«Koronavırýs ınfektsııasynyń qaýpi seıilmegendikten, karantın talaptary áli de saqtalady. Sondyqtan saqtyq sharalary jalǵasa beredi. Ásirese qurylys salasynda. Karantın qurylysqa kedergi emes»,-dedi oblys ákimi Ómirzaq Shókeev.
Jıynda aımaq basshysy Túrkistan qalasyn jańǵyrtý aıasyndaǵy jumys barysymen tanysyp, sala mamandarynyń esebin tyńdady. Búginde oblys ortalyǵynda birqatar ǵımarattardyń qurylysy aıaqtalýǵa jaqyn.
Qala ákimi Rashıd Aıýpov ákimshilik, áleýmettik jáne tarıhı-mádenı mańyzy bar nysandardyń qurylysy jaıly baıandap ótti.
Ákimniń sózinshe, shaharda boı kótergen oqýshylar saraıy men 7 myń oryndyq stadıon, ulttyq qolónershiler ortalyǵy men amfıteatr, kerýen saraı men attraktsıondar saıabaǵy, basseıni bar sport kesheni men kelý ortalyǵy ǵımarattarynyń basym bóligi salynyp bitken.
Sondaı-aq, basqarmalar men departamentter ǵımaratynyń qurylysy da taıaý arada aıaqtalady. Búginde olardyń aınalasyn abattandyrý jumysy júrgizilýde.
