Túrkistan oblysynda karantın talabyn buzǵandarǵa 42 mln teńge aıyppul salyndy
TÚRKІSTAN. QazAqparat - Túrkistan oblysynda mobıldi toptar júrgizgen arnaıy monıtorıngileý jumystary barysynda mamandar 7061 nysan aralaǵan. Nátıjesinde 1386 nysanda karantın talaptary buzylǵany anyqtaldy, dep habarlaıdy QazAqparat oblys ákimdiginiń baspasóz qyzmetine silteme jasap.
Reıd jumystarynyń nátıjesi boıynsha ákimshilik quqyq buzǵandardyń ústinen hattama toltyryldy. 732 jeke tulǵaǵa 30 AEK (75 750 teńge) mólsherinde jáne 36 jeke kásipker men zańdy tulǵalarǵa 230 AEK (638 940 teńge) kóleminde aıyppul salyndy.
Reıd barysynda sondaı-aq tyıym salynǵan otbasylyq, merekelik is-sharalar anyqtalyp, toqtatyldy.
Jalpy, ákimshilik quqyq buzýshylyq týraly 769 hattama toltyrylyp, 42 322 830 teńge kóleminde aıyppul salynyp, onyń 26 784 75 teńgesi óndirildi. Mobıldi top jumystary jalǵasýda.
