Túrkistan oblysynda karantın merzimi uzartyldy: Qandaı shekteýler bar
TÚRKІSTAN. QazAqparat – Túrkistan oblysyndaǵy karantındik shekteý merzimi 8 maýsymǵa deıin uzartyldy. Mundaı qaýlyny óńirdiń bas memlekettik sanıtar dárigeri Nurbek Nyshanov shyǵardy, dep habarlaıdy QazAqparat tilshisi.
Atalǵan qaýlyǵa sáıkes, azamattardyń Túrkistan oblysyna kirip shyǵýyna jáne kólikterdiń qala men aýdandardyń arasynda erkin júrýine tyıym salynǵan.
Sondaı-aq, serýendeý kezinde betperdeni taǵý mindettelip, qandaı da bir otbasylyq is-sharalardy ótkizýge de shekteý qoıyldy. Al, jerleý sharasyn ótkizý kezinde 20-dan astam adamnyń jınalýyna jol berilmeıdi.
Óńirdegi kásipkerlik sýbektilerine oıyn-saýyq, sporttyq jáne basqa da buqaralyq is-sharalardy ótkizýge shekteýler qoıylǵan. Kópshilik jınalatyn oryndar men saýda jáne oıyn-saýyq ortalyqtarynyń, tamaqty shyǵarýmen jáne jetkizip berý obektilerinen basqa qoǵamdyq tamaqtaný obektileriniń, monshalar (kabınkalarynan basqa) men saýnalardyń, mal bazarlarynyń, jeke jáne 15 adamǵa deıingi oqý-jattyǵý protsesteriniń júrgizýin qospaǵanda sport keshenderiniń qyzmetin toqtatý mindettelgen.
Ázirge dinı nysandary da jabylyp, qyzmetine tyıym salynyp otyr. Medıtsınalyq ortalyqtar men stomatologııalyq klınıkalarǵa tek saqtyq sharalaryn júrgizip qana jumys isteýlerine ruqsat berilip otyr. Dese de, oblys aýmaǵyndaǵy azyq-túlik jáne ózge de bazarlardyń saǵat 10.00-den 17.00-ge deıin jumys isteıtin bolyp sheshildi. Halyqqa qyzmet kórsetý nysandary da kúsheıtilgen sanıtarııalyq-dezınfektsııalyq rejımdi saqtaı otyryp, jumys isteýine ruqsat etilip otyr.
Ekinshi deńgeıdegi bankterdiń jumysy da saqtyq sharalaryn júrgizý arqyly júzege asyrylatyn boldy.
Budan ózge, qala ishilik qoǵamdyq kólikter saǵat 07.00- 21.00-ge deıin jolaýshy tasymaldaıdy. Qoǵamdyq tamaqtaný oryndary óz betinshe shyǵarý nemese tapsyryspen jetkizý rejıminde saǵat 08.00-den saǵat 22:00-ge deıin qyzmet kórsetedi.
Eske salsaq, buǵan deıin Qazaqstan óńirlerinde karantındi alyp tastaý merzimderi uzartylǵany týraly habarlaǵan bolatynbyz.
