Túrkistan oblysynda karantın erejesin buzǵan 5 kásipker qamaýǵa alyndy
TÚRKІSTAN. QazAqparat – Túrkistan oblysynda karantın talaptaryn saqtamaǵan 62 jeke kásipkerge ákimshilik hattamalar toltyrylyp, sotqa joldandy.
Qalalyq sottyń sheshimimen 5 kásipker bes táýlikke qamalyp, keıbireýi eskertý aldy, dep habarlaıdy QazAqparat tilshisi.
Túrkistan qalalyq sanıtarııalyq-epıdemıologııalyq baqylaý basqarmasynyń 2020 jyly atqarǵan jumystaryn baıandaǵan óńirdiń bas sanıtarlyq dárigeri Nurbek Nyshanov pandemııamen kúreste epıdemıologııalyq jaǵdaıdy turaqtandyrý maqsatynda júıeli jáne nátıjıeli jumystar atqarylyp jatqanyn jetkizdi.
Oblysta alty mobıldik top júrgizgen monıtorıng jumystarynyń nátıjesinde 4453 nysan tekserilip, 20 mıllıon teńge kóleminde aıyppul salynǵan.
«Ótken jyly Túrkistan qalasy turǵyndary arasynda koronavırýs ınfektsııasy dıagnozymen 729 naýqas tirkelgen. «COVID-19» zerthanada rastalǵan naýqastar boıynsha oshaqtarǵa dezınfektsııalyq, epıdemııaǵa qarsy is-sharalar júrgizilip, ınfektsııamen kúres barysynda qalanyń epıdemıologııalyq ahýalyn eskere otyryp, 72 Qaýly shyǵarylǵan»,- dedi Nurbek Nyshanov.
