Túrkistan oblysynda qar qursaýynda qalyp qoıǵan 14 jolaýshy qutqaryldy

TÚRKІSTAN. QazAqparat – Túrkistan oblysynda qar qursaýynda qalyp qoıǵan 14 jolaýshy qutqaryldy, dep habarlaıdy QazAqparat tilshisi.

Tólebı aýdanyndaǵy Kóksáıek-Nysanbek tas jolynyń 7-shaqyrymynda 14 adam qar qursaýynda qalyp qoıǵan. Onyń ishinde 4 bala bar. Tótenshe jaǵdaılar departamentiniń qyzmetkerleri jolaýshylardy qaýipsiz jerge alyp shyǵyp, alǵashqy kómek kórsetti. Sondaı-aq, qar ishinde qalyp qoıǵan 7 avtokólikti jol jıegine alyp shyqty.

«Tótenshe jaǵdaılar departamentiniń 4 qyzmetkeri men 1 tehnıkasy jumyldyryldy. Jolaýshylar Kóksáıek aýylyndaǵy №16 Órt sóndirý beketine jetkizildi. Qazirgi kezde «Ońtústik joldary» MKQ-niń 3 qyzmetkeri men 2 tehnıkasy joldardy tazalaý jumystaryn jalǵastyryp jatyr», -delingen Túrkistan oblystyq TJD baspasóz qyzmeti taratqan aqparatta.

Foto: gov.kz