Túrkistan oblysynda qar qursaýynda qalǵan jolaýshylar qutqaryldy

TÚRKІSTAN. QazAqparat - Túrkistan oblysynda polıtseıler qar qursaýynda qalǵan kólik júrgizýshileri men jolaýshylarǵa kómektesti, dep habarlaıdy QazAqparat polisia.kz cilteme jasap.

Sozaq aýdandyq polıtsııasyna Odaman asýynda buzylyp qalǵan birneshe kólikke kómek kerek ekendigi týraly habarlama keledi. «Ońtústik joldary MM» jumysshylarymen birge polıtseıler oqıǵa ornyna birden jetedi.

Anyqtalǵandaı, aýa raıynyń kúrt nasharlaýynan birneshe kólik jolda qalyp qoıǵan. Turǵyndar 11 saǵat boıy baılanyssyz avtokólik ishinde qalǵan.

Tártip saqshylary adamdardy Taskómirsaı jylytý beketine jetkizip, kólikterdi jóndedi.

Sondaı-aq aýyr tehnıkanyń kómegimen qarǵa kómilgen 5 avtokólik qaýipsiz aýmaqqa shyǵaryldy.