Túrkistan oblysynda qar qursaýynda qalǵan 33 adam qutqaryldy
TÚRKІSTAN. QazAqparat - Túrkistan oblysynyń Sozaq aýdany, Qumkent eldi mekeniniń janynda qar qursaýynda qalǵan 33 adam qutqaryldy.
Olar aldyn ala eskertýlerge qaramastan «YUTONG» jolaýshylar tasymaldaıtyn avtobýsymen «Sozaq – Taraz» baǵytynda kele jatyp, kóktaıǵaq saldarynan joldyń shetine shyǵyp ketken, dep habarlaıdy QazAqparat tilshisi.
Oqıǵa ornyna oblystyq TJD 15 qyzmetkeri men tehnıkasy jetip, qarǵa batqan kólikti joldyń tazartylǵan bóligine alyp shyqqan. Sóıtip avtobýstyń ishindegi 29 adam, onyń ishinde 1 bala qutqaryldy.
Departament qyzmetkerleri barlyq jolaýshylardy Sholaqqorǵan aýylyna jetkizgen. Jol jónekeı Qumkent aýylynda qar qursaýynda qalyp qoıǵan taǵy 4 adamdy, onyń ishinde 1 júkti áıel men bir balany qutqarǵan. Zardap shekkender men jaraqat alǵandar joq.
