Túrkistan oblysynda kanalǵa túsip ketken búldirshin qutqaryldy
KENTAÝ. QazAqparat- Túrkistan oblysy, Kentaý qalasynda eki jasar búldirshin kanalǵa qulap ketken. Ol kanaldyń qubyryna turyp qalyp, tunshyǵyp qala jazdaǵan, dep habarlaıdy QazAqparat tilshisi.
Oblystyq Thtenshe jaǵdaılar departamenti baspasóz qyzmetiniń málimetinshe, oqys oqıǵa búgin keshki saǵat 19:47 shamasynda bolǵan.
«Búldirshin Kentaý qalasy, Hantaǵy aýylyndaǵy kólemi 500 mm bolatyn sýarý qubyryna qulap ketkeni týraly habarlama túsken. Oqıǵa ornyna barǵan kezde eresekterdiń qaraýynsyz qalǵan bala qubyrǵa 15 metr qashyqtyqta turyp qalǵany anyqtalǵan. Ony qutqarý sharalaryna oblystyq TJD 3 qyzmetkeri jáne 1 birlik tehnıka shyqqan. Qutqarýshylar qubyrǵa kirip, balany alyp shyqqan. Sóıtip jedel járdem qyzmetkerlerine tabystady», - delingen habarlamada.
Dárigerler balanyń jaǵdaıyn ortasha dep baǵalaǵan. Qazir búldirshin medıtsına qyzmetkerleriniń jiti baqylaýynda.
Syǵan deıin Túrkistan oblysynda Shyǵys sheńberi atty jańa týrıstik marshrýt ázirlenip jatqany týraly jazyldy.
