Túrkistan oblysynda izdeýde júrgen uıymdasqan qylmystyq toptyń múshesi ustaldy
Polıtsııa qyzmetkerleri ótkizgen «Mal urysy» jedel-profılaktıkalyq is-sharasy kezinde 2 qylmystyq top qolǵa tústi. Sondaı-aq, QR QK-niń 188-1-baby «Mal urlyǵy» jáne QR QK-niń 262-baby «Uıymdasqan top, qylmystyq uıym qurý jáne olarǵa basshylyq etý, sol sııaqty olarǵa qatysý» baptary boıynsha bir jarym jyl izdeýde júrgen kúdikti ustaldy. «Ol mal urlap, satyp kelgen. Kúdikti 2019 jyly Túrkistan jáne Kentaý qalalarynyń aýmaǵynda mal urlyǵymen aınalysyp júrgen uıymdasqan qylmystyq toptyń quramynda bolǵan. Bul qylmystyq top, jalpy quny 70 mln teńge 150-den astam jylqy men sıyrdy urlaǵan. 19 mal urlyǵyna qatysy bolǵan. Osyǵan deıin atalǵan toptyń 5 múshesi ustaldy. Al altynshy kúdiktige, ıaǵnı maldy satýmen aınalysqan er adamǵa qatysty izdeý jarııalanǵan», - deıdi polıtsııa departamentiniń baspasóz qyzmetindegiler.
Jedel ýákilder izdeýdegi kúdiktiniń júrgen jerin anyqtady. Qyzylorda oblysynyń Baıqońyr qalasyndaǵy jaldamaly páterde jasyrynyp júrgen jerinen taýyp, Kentaý qalalyq PB-ǵa jetkizdi. Qazirgi tańda sotqa deıingi tergeý amaldary júrgizilýde. Kúdikti qamaýǵa alyndy.
