Túrkistan oblysynda izdeýde júrgen 8 qylmysker ustaldy
TÚRKІSTAN. QazAqparat - Túrkistan oblysynda polıtsııa izdeýde júrgen 8 qylmyskerdi ustady, dep habarlaıdy QazAqparat tilshisi.
Óńirde ótkizilgen «Quqyqtyq tártip» jedel is-sharasyna 700-den asa polıtsııa men men basqa da qyzmetterdiń ókilderi qatysty. Nátıjesinde polıtseılermen jalpy 104 qylmys ashyldy. Onyń ishinde 19-y buryn jasalǵan qylmys. Sondaı-aq izdeýde júrgen 8 qylmysker ustaldy. Budan bólek, esirtkige qatysty 2 kúdikti ustalyp, 3 azamattan zańsyz qarý tárkilendi.
Shara barysynda polıtseıler jalpy 3 196 ákimshilik quqyqbuzýshylyqty anyqtap, qoǵamdyq oryndarda mas kúıde bolǵan jáne ishimdik ishken 147 usaq buzaqylyqty tirkedi. QR Kóshi-qon zańnamasyn buzǵan 127 jaıt tirkelip, 5 adam arnaıy qabyldaý ornyna jóneltildi.
Al, qaýipsizdik belbeýin taqpaǵan 600-den astam júrgizýshi ákimshilik quqyqbuzýshylyq jaýapkershilikke tartyldy. Jyldamdyqty asyrǵan 81 júrgizýshige ákimshilik hattama toltyrylyp, joldyń qarsy betine shyǵyp ketýine qatysty 14 oqıǵa tirkeldi.
